Dua Kalimah Syahadat
Dua Kalimah Syahadat nyaéta kasaksian ngeunaan kaésaan Gusti Allah jeung risalah Nabi Muhammad SAW, ogé ngaku yén Tauhid jeung Nubuwah mangrupa bagian tina Rukun Islam. Dua kalimah syahadat dianggap wates antara Islam jeung kafir. Jalma anu ngucapkeun dua kalimah syahadat, dianggap Muslim jeung aturan-aturan Islam lumaku pikeun anjeunna. Umat Islam dina bacaan tasyahud unggal salat, azan, jeung iqamah ngucapkeun dua kalimah syahadat ku lisan.
Para fakih Syiah geus ngajelaskeun ngeunaan dua kalimah syahadat dina rupa-rupa bab fikih. Numutkeun fatwa maranéhana, ngucapkeun syahadatain dina salat mayit sanggeus takbir kahiji téh wajib dilaksanakeun, sedengkeun nalkinkeun dua kalimah syahadat ka jalma anu rék maot jeung nulisna dina kain kafan téh mustahab.
Dua Kalimah Syahadat ogé dipikaresep dina arsitéktur Islam, seni kaligrafi, jeung duit logam.
Definisi
Dua kalimah syahadat téh nyaksian kaesaan Gusti Allah jeung misi kenabian Nabi Muhammad SAW. [1] Numutkeun para fakih, syahadatain lumaku ku ngucapkeun dua kalimah ieu atawa eusina:
"أشْهَدُ أنْ لا الهَ الاّ الله و أشْهَدُ أنَّ مُحَمَّداً رَسُولُ اللّه"
"Kuring nyaksian yén teu aya Gusti iwal ti Allah, sarta kuring nyaksian yén Muhammad téh utusan Allah." [2] Numutkeun Syekh Shaduq, Syahadatain mangrupakeun pangakuan kana tauhid sareng kenabian, anu mangrupakeun dua tina Rukun Islam. [3]
Nilai Fikih jeung Hukum
Dina pandangan umat Islam, dua kalimah syahadat téh wates antara Islam jeung kufur. Artina, jalma anu ngucapkeun dua kalimah syahadat ku lisan, aturan Islam lumaku pikeun anjeunna. [4] Di antarana: Awakna suci, nyawa jeung hartana dihormat. [5] Dina Doa Abu Hamzah Tsamali, Imam Sajjad AS nyebutkeun yén ngucapkeun dua kalimah syahadat ku lisan (sanajan haténa henteu percaya, sapertos anu dilakukeun ku orang munafik) bisa janteun panyalamat nyawa pikeun anu ngucapkeunana. [6]
Numutkeun Syekh Shaduq, dina sababaraha riwayat, iman dihartikeun ku dua kalimah syahadat. [7] Sedengkeun Allamah Thabathaba'i (w. 1281-1381 H) nyebutkeun yén iman boga tingkatan, nu tingkat panghandapna nyaéta yakin dina haté jeung percaya kana eusi dua kalimah syahadat, nu ngakibatkeun ngalaksanakeun hukum-hukum Islam. [8]
Dina kitab-kitab fikih, syahadatain disebutkeun dina hukum-hukum ngeunaan: Thaharah (kabebersihan) [9] dagang, [10] salat [11] jeung Jihad. [12]
Adab jeung Aturan
- Numutkeun pandangan lolobana fuqaha Syiah, ngucapkeun dua kalimah syahadat dina salat mayit sanggeus takbir kahiji téh wajib. Sababaraha fuqaha séjén nganggap éta mustahab. [13]
- Talqin dua kalimah syahadat sareng imamah para Imam AS ka jalma anu nuju sakaratul maut téh mustahab. [14]
- Mustahab ditulis dina kafan mayit yén anjeunna ngaku dua kalimah syahadat. [15]
- Lolobana fuqaha nganggap mustahab ngucapkeun dua kalimah syahadat dina khutbah sholat Jumat ku imam Jumat. [16]
- Numutkeun Sahib al-Jawahir, salah sahiji adat dagang dumasar hadits nyaéta ngucapkeun dua kalimah syahadat nalika netep di tempat usaha. [17]
Doa nu paling alus numutkeun Imam Baqir AS:
أشهد أن لا إله إلا الله وحده لا شريك له ، وأشهد أن محمدا عبده ورسوله اللهم إني أسئلك من فضلك حلالا طيبا وأعوذ بك من أن أظلم أو أظلم وأعوذ بك من صفقة خاسرة ، ويمين كاذبة
"Kuring ngaku yén teu aya Gusti iwal ti Allah, Maha Esa, teu aya sekutu pikeun-Na. Sarta kuring ngaku yén Muhammad téh hamba sareng rosul-Na. Ya Allah, kuring nyuhunkeun ka Anjeun karunia anu halal tur suci, Kuring ngungsi ka Anjeun tina nindak keuniatan atawa dianiaya. Kuring ogé ngungsi ka Anjeun tina transaksi rugi sareng sumpah palsu."[18]
Pamakéanana dina Budaya Islam
Dina doa-doa, jeung manasik (ritual) umat Islam, dua kalimah syahadat loba pisan dipaké. [19] Contona, umat Islam ngucapkeun syahadat dina tasyahud unggal salat. [20] Ogé dina azan jeung iqamah [21], umat Islam ngucapkeun dua kalimah syahadat ku lisan. Dua kalimah syahadat ogé meunang perhatian husus dina: Arsitektur Islam, seni kaligrafi, jeung pencétan koin. [22]
Catetan Handap
- ↑ Najafi, Jawahir al-Kalam, jilid 41, kaca 630.
- ↑ Pikeun conto, tingali: Najafi, Jawahir al-Kalam, jilid 41, kaca 630.
- ↑ Syekh Shaduq, Man La Yahdhuruhu al-Faqih, jilid 1, kaca 299.
- ↑ Tingali: Najafi, Jawahir al-Kalam, jilid 41, kaca 630; Thabathaba'i, al-Mizan, jilid 1, kaca 301-303.
- ↑ Najafi, Jawahir al-Kalam, jilid 21, kaca 143.
- ↑ Mafatih Jinan, doa Abu Hamzah.
- ↑ Syekh Shaduq, Man La Yahduruhu al-Faqih, jilid 1, kaca 299-300.
- ↑ Thabathaba'i, al-Mizan, jilid 1, kaca 301-303.
- ↑ Najafi, Jawahir al-Kalam, jilid 41, kaca 630; Yazdi Thabathaba'i, al-'Urwah al-Wutsqa, jilid 1, kaca 417.
- ↑ Pikeun conto, tingali: Najafi, Jawahir al-Kalam, jilid 22, kaca 452.
- ↑ Pikeun conto, tingali: Najafi, Jawahir al-Kalam, jilid 10, kaca 245, 246, 264.
- ↑ Najafi, Jawahir al-Kalam, jilid 41, kaca 630.
- ↑ Najafi, Jawahir al-Kalam, jilid 12, kaca 40.
- ↑ Najafi, Jawahir al-Kalam, jilid 4, kaca 14.
- ↑ Najafi, Jawahir al-Kalam, jilid 9, kaca 224.
- ↑ Najafi, Jawahir al-Kalam, jilid 11, kaca 216; Najafi, Kasyf al-Ghitha, jilid 3, kaca 255.
- ↑ Najafi, Jawahir al-Kalam, jilid 22, kaca 452.
- ↑ Najafi, Jawahir al-Kalam, jilid 22, kaca 452.
- ↑ Pikeun conto, tingali: Syekh Thusi, Mishbah al-Mutahajjid, jilid 1, kaca 15, 16, 49.
- ↑ Najafi, Jawahir al-Kalam, jilid 10, kaca 245-246.
- ↑ Syekh Thusi, Mishbah al-Mutahajjid, jilid 1, kaca 29; Najafi, Jawahir al-Kalam, jilid 9, kaca 81-82.
- ↑ Contona, tingali: Afrugh, «مضامین و عناصر شیعی در هنر عصر صفوی با نگاهی به هنر قالی بافی، نگارگری و فلزکاری», kaca 48; Abbaszadeh, «بررسی نقش مذهب شیعه بر هنر و معماری امام‌زادگان ایران»
Daptar Pustaka
- Afrugh, Mohammad, «مضامین و عناصر شیعی در هنر عصر صفوی با نگاهی به هنر قالی بافی»، نگارگری و فلزکاری», Mutaleat Irani, Nomor 20, Musim Gugur 1390 H.
- Syaikh Shaduq, Mohammad bin Ali, Man La Yahdhuruhu al-Faqih, Qom, Penerbit Islami Jami'ah Mudarrisin Hauzah Ilmiah Qom, 1413 H.
- Syaikh Thusi, Mohammad bin Hasan, Mishbah al-Mutahajjid wa Silah al-Muta'abbid, Beirut, Muassasah Fiqh asy-Syiah, 1411 H.
- Thabathaba'i, Sayid Mohammad Husein, Al-Mizan fi Tafsir al-Qur'an, Qom, Penerbit Islami Jami'ah Mudarrisin Hauzah Ilmiah Qom, 1417 H.
- Abbaszadeh, Mozaffar, Ilghar Ardabilchi, Reyhaneh Yaghoobi, jeung Saba Makhlouqi. «بررسی نقش مذهب شیعه بر هنر و معماری امام‌زادگان ایران» Dimuat dina situs al-Syiah, diaksés 7 Ordibehesht 1402 S.
- Najafi, Ja'far bin Khidhr, Kasyf al-Ghitha' 'an Mubhamat asy-Syari'ah al-Ghara', Qom, Islamic Propagation Office Hauzah Ilmiah Qom, 1422 H.
- Najafi, Mohammad Hasan, Jawahir al-Kalam fi Syarh Syara'i al-Islam, Beirut, Dar Ihya at-Turats al-Arabi, 1404 H.
- Yazdi Thabathaba'i, Sayid Mohammad Kazhim, Al-'Urwah al-Wutsqa fima Ta'ummu bih al-Balwa, Beirut, Muassasah al-A'lami lil Mathbu'at, 1409 H.