Poé-poé Fatimiyah
Poé-poé Fatimiyah atawa Mangsa Fatimiyah nyaéta poé-poé nu umat Syiah ngalaksanakeun acara duka pikeun ngéling-ngéling Syahidna Sayyidah Fatimah SA. Kusabab aya dua pendapat nu masyhur ngeunaan poé Syahidna Fatimah SA nyaéta 13 Jumadil Awwal jeung 3 Jumadil Tsani, mangka poé ka-11 nepi ka ka-13 Jumadil Awwal disebut Fatimiyah kahiji, sedengkeun poé ka-3 nepi ka ka-5 Jumadil Tsani disebut Fatimiyah kadua.
Dina mangsa Fatimiyah, di sababaraha nagara kayaning Iran, Irak, Pakistan, jeung Azerbaijan diayakeun acara duka. Poé ka-3 Jumadil Tsani di Iran ditetepkeun poé libur resmi, sarta sababaraha Marja' Taqlid hadir dina acara duka iita di poé éta. Acara duka dina mangsa Fatimiyah kadua di Iran beuki ramé ti 1378 HS nalika poé ka-3 Jumadil Tsani ditetepkeun salaku poé Syahidna Sayyidah Fatimah SA jeung diumumkeun salaku poé libur resmi.
Mangsa Fatimiyah Nyaéta Poé-poé Naon?
Mangsa Fatimiyah nyaéta poé-poé nu umat Syiah ngalaksanakeun acara duka pikeun nginget-nginget Syahidna Sayyidah Fatimah SA.[1] Kusabab masyhurna 13 Jumadil Awwal jeung 3 Jumadil Tsani salaku tanggal Syahidna Sayyidah Fatimah SA, mangka Mangsa Fatimiyah dibagi kana Fatimiyah kahiji jeung Fatimiyah kadua. Poé ka-11, ka-12, jeung ka-13 Jumadil Awwal disebut Fatimiyah kahiji, sedengkeun poé ka-3, ka-4, jeung ka-5 Jumadil Tsani disebut Fatimiyah kadua.[2] Sanajan kitu, aya ogé nu nyatakeun yén Fatimiyah kahiji nyaéta ti poé ka-10 nepi ka ka-20 Jumadil Awwal, sedengkeun Fatimiyah kadua ti poé ka-1 nepi ka ka-10 Jumadil Tsani.[3]
Poé persis Syahidna Sayyidah Fatimah SA teu acan pasti, sarta aya béda pendapat ngeunaan ieu. Dina buku al-Mausu'at al-Kubra 'an Fatimah al-Zahra SA karya Ismail Anshari Zanjani (wafat 1388 HS) dicaritakeun aya 21 pendapat ngeunaan waktos Syahidna Sayyidah Fatimah SA.[4] Numutkeun Sayyid Muhammad Jawad Syabiri (lair 1345 HS), salah saurang panulis Ensiklopedi Fatimi, pendapat ngeunaan Syahidna Fatimah SAW dina poé ka-3 Jumadil Tsani leuwih masyhur di kalangan Syiah.[5] Anjeunna nyandak pendapat ieu tina hiji riwayat ti Imam Shadiq AS anu ditranskripsi dina buku Dala'il al-Imamah[6].[7]
Palaksanaan Acara
Dina Mangsa Fatimiyah, di sagala rupa kota di Iran diayakeun acara duka. Acara ieu beuki ramé ti saprak poé ka-3 Jumadil Tsani ditetepkeun salaku poé libur resmi pikeun nginget-nginget Syahidna Sayyidah Fatimah SA di Iran.[8] Dina taun 1378 HS, dumasar saran ti Ayatullah Wahid Khurasani jeung ketetapan Pamaréntah Républik Islam Iran, poé 3 Jumadil Tsani diumumkeun salaku poé libur resmi pikeun nginget-nginget Syahidna Sayyidah Fatimah SA.[9] Husain Wahid Khurasani jeung Lutfullah Shafi Gulpayigani (wafat: 1400 HS) ti Marja' Taqlid Syiah hadir dina poé éta dina arak-arakan acara duka anu leumpang nuju Haram Sayyidah Makshumah SA.[10]
Salian ti éta, dina waktos anu sami dina Mangsa Fatimiyah, di sababaraha kota di Iran utamana di Qom diayakeun paméran anu judulna Kampung Bani Hasyim pikeun didatangan ku masarakat umum, sarta di dinya dipamerkeun gambaran ngeunaan Baqi', Ghadir Khum, jeung Fadak.[11]
Dicaritakeun yén umat Syiah Irak salian ti Fatimiyah kahiji jeung Fatimiyah kadua, ogé ngalaksanakeun acara duka dina poé 8 Rabiul Tsani. acara duka ieu dumasar kana riwayat anu nyatakeun yén kesyahidan Sayyidah Fatimah SA lumangsung 40 poé sanggeus Wafatna Nabi SAW.[12] Salian ti éta, di nagara-nagara sapertos Pakistan,[13] Azerbaijan,[14] Tajikistan[15] jeung Australia[16] ogé di pusat-pusat Islam di nagara-nagara Éropa sapertos pusat Islam Hamburg jeung pusat Islam Imam Ali Stockholm diayakeun acara duka dina Fatimiyah kadua.[17]
Riwayat Duka Cita Pikeun Syahidna Sayyidah Fatimah SA
Aya laporan ngeunaan acara duka ku Ahlul Bait AS pikeun Syahidna Sayyidah Fatimah SA.[18] Dicaritakeun ti Imam Shadiq AS yén anjeunna ngalaksanakeun acara duka pikeun Syahidna Sayyidah Fatimah SA sarta dina majelisna nyaritakeun kajadian keguguran Muhsin AS jeung dipukulna Sayyidah Fatimah SA.[19] Salian ti éta, numutkeun laporan Qadhi Abdul Jabbar al-Mu'tazili (wafat 415 H), aya sababaraha golongan Syiah di daérah-daérah kaasup Mesir, Damaskus, Baghdad, Ramlah, Akka, Shur, Asqalan, jeung Jabal al-Basymaq anu ngalaksanakeun acara duka pikeun Syahidna Sayyidah Fatimah SA jeung putrana Muhsin AS.[20]
Jejer Patali
Catetan Handap
- ↑ Mazhahiri, Farhang Suge Syi'i, vèrsi kahiji, h.365.
- ↑ Mazhahiri, Farhang Suge Syi'i, vèrsi kahiji, h.366.
- ↑ Tingali Lutfi, "Mangsa Fatimiyah jeung Ritual-Ritual Nu Aya Patalina", h.25.
- ↑ Anshari Zanjani, al-Mausu'at al-Kubra 'an Fatimah al-Zahra SAW, Dalil Ma, jilid 15, h.32.
- ↑ Syabiri, "Syahidna Fatimah SAW", h.347.
- ↑ Thabari Imami, Dala'il al-Imamah, 1413 H, h.134.
- ↑ Syabiri, "Syahidna Fatimah SAW", h.347.
- ↑ Tingali Lutfi, "Mangsa Fatimiyah jeung Ritual-Ritual Nu Aya Patalina", h.25.
- ↑ «ماجرای تعطیل‌شدن روز شهادت حضرت زهرا(س)», Lembaga Warta Fars.
- ↑ «پیاده‌روی و عزاداری دو تن از مراجع تقلید در قم», Situs Tabnak Qom.
- ↑ «سومین نمایشگاه کوچه‌های بنی‌هاشم در قم برپا شد/ ساخت ماکت بقیع قبل از تخریب», Lembaga Warta Mehr.
- ↑ «الأيّام الفاطمية أو موسم الأحزان الفاطمية: المعنى والدلالة...», Jaringan Internasional al-Kafil.
- ↑ «ایام شهادت حضرت فاطمه الزهرا سلام الله علیها در پاکستان», Lembaga Warta Républik Islam.
- ↑ «Həzrəti Fatimənin (s) şəhadəti münasibətilə tədbir keçirildi», Portal Esprit.
- ↑ [http://"https://www.irna.ir/news/80613657 «مراسم سوگواري شهادت حضرت فاطمه زهرا(س) در تاجيكستان برگزار شد»], Lembaga Warta IRNA.
- ↑ «مراسم فاطمیه دوم در استرالیا», Lembaga Warta ABNa.
- ↑ «برنامه های فاطمیه دوم در اروپا به تفکیک کشورها», Syiah News.
- ↑ Tingali Khasibi, al-Hidayah al-Kubra, 1419 H, h.408.
- ↑ Khasibi, al-Hidayah al-Kubra, 1419 H, h.408.
- ↑ Qadhi Abdul Jabbar, Tatsbit Dala'il al-Nubuwwah, 1427 H, jilid 2, h.595.
Daptar Pustaka
- «الأيّام الفاطمية أو موسم الأحزان الفاطمية: المعنى والدلالة...», Jaringan Internasional al-Kafil, tulisan dipublikasikan 18 Januari 2016 M, diaksés 30 Dey 1400 HS.
- Anshari Zanjani, Ismail, al-Mausu'at al-Kubra 'an Fatimah al-Zahra SAW, Daliluna, tanpa tanggal.
- Khasibi, Husain bin Hamdan, al-Hidayah al-Kubra, Beirut, Muassasah al-Balagh, 1419 H.
- Syabiri, Sayyid Muhammad Jawad, "Syahidna Fatimah SAW", Ensiklopedi Fatimi SAW, Tehran, Pusat Penelitian Budaya dan Pemikiran Islam, cetakan pertama, 1393 HS.
- Qadhi Abdul Jabbar, Abdul Jabbar bin Ahmad, Tatsbit Dala'il al-Nubuwwah, Mesir, Dar al-Mushthafa, 1427 H.
- Thabari Imami, Muhammad bin Jarir, Dala'il al-Imamah, Qom, Muassasah Ba'tsah, 1413 H.
- Lutfi, Fatimah, ، «ایام فاطمیه و مناسک شکل‌یافته پیرامون آن», Shahre Qanun, nomer 5, Spring 1392 HS.
- Mazhahiri, Muhsin Husam, Farhang Suge Syi'i, vèrsi kahiji, Tehran, Penerbit Khaimah, 1395 HS.
- «ماجرای تعطیل شدن روز شهادت حضرت زهرا(س)», Lembaga Warta Fars, tulisan dipublikasikan: 5 Ordibehesht 1391 HS, diaksés: 24 Dey 1397 HS.
- «پیاده‌روی و عزاداری دو تن از مراجع تقلید در قم», Situs Tabnak Qom, tulisan dipublikasikan: 10 Esfand 1395 HS, diaksés: 24 Dey 1397 HS.
- «سومین نمایشگاه کوچه‌های بنی‌هاشم در قم برپا شد», Lembaga Warta Mehr, tulisan dipublikasikan 25 Esfand 1392 HS, diaksés 17 Azar 1400 HS.
- «ایام شهادت حضرت فاطمه الزهرا سلام الله علیها در پاکستان», Lembaga Warta Républik Islam, tulisan dipublikasikan: 18 Farvardin 1393 HS, diaksés: 24 Dey 1397 HS.
- «Həzrəti Fatimənin (s) şəhadəti münasibətilə tədbir keçirildi», Portal Esprit, tulisan dipublikasikan 26 Désémber 2022 M, diaksés: 15 Azar 1402 HS.
- «مراسم سوگواري شهادت حضرت فاطمه زهرا(س) در تاجيكستان برگزار شد», Lembaga Warta IRNA, tulisan dipublikasikan: 25 Farvardin 1392 HS, diaksés: 15 Azar 1402 HS.
- «برنامه های فاطمیه دوم در اروپا به تفکیک کشورها», Syiah News, tulisan dipublikasikan: 28 Bahman 1396 HS, diaksés: 15 Azar 1402 HS.
- «مراسم فاطمیه دوم در استرالیا», Lembaga Warta ABNa, tulisan dipublikasikan: 11 Farvardin 1392 HS, diaksés: 15 Azar 1402 HS.